föstudagur, 23. ágúst 2019
 
TölublöðVenjuleg útgáfa

Börn og unglingar í aðalhlutverki

1. apríl 2011 kl. 10:30

Mynd/Dalli.is

Börn og unglingar í aðalhlutverki

Í kvöld kl 20 blása hestamannafélögin á höfuðborgarsvæðinu í lúðra og sameinast um að halda fjölskylduvæna og hressilega sýningu í Reiðhöllinni í Víðidal í tilefni að Hestadögum í Reykjavík. Þar verður í boði fjölbreytt skemmtun þar sem íslenski hesturinn í aðalhlutverki.

"Gestir munu fá að fylgjast með börnum og unglingum sýna gæðinga sýna með stolti, ungmenni og fullorðnir sýna bæði klárhross og alhliðahross og að auki fá gestir innsýn í hluta af menntakerfi hestamanna, nefnilega Knapamerkin.

Einnig munum við fá sólóatriði frá heimsmeistaranum Guðmundi Einarssyni og syngjandi flott lokaatriði. Til að poppa enn frekar upp stemninguna í höllinni, ætla þeir Halli og Heiðar í Botnleðju að mæta með Pollapönk í farteskinu og spila og skemmta áhorfendum af sinni alkunnu snilld," segir í tilkynningu frá aðstandendum sýningarinnar.

Miðaverð er einungis kr. 1000 en frítt er fyrir 13 ára og yngri.