sunnudagur, 16. júní 2019
 
TölublöðVenjuleg útgáfa

Bikarmót LH

19. mars 2014 kl. 23:49

Lokkadís frá Sólheimum

Úrtaka fyrir félögin á Vesturlandi

Fyrirhugað er að LH haldi “Bikarmót” í Kópavogi, með þátttöku efstu hesta úr vetrarmótaröðunum á landinu.  Fyrirhugað er að þetta “Bikarmót” verði haldið fyrstu helgina í apríl í tengslum við Hestadaga í Reykjavík. Ekki liggur alveg endanlega fyrir með fyrirkomulag þessa móts, en það er ekki eftir neinu að bíða að skipuleggja úrtöku fyrir töltið og fjórganginn og verður þessi úrtaka fyrir öll félögin á Vesturlandi.

Úrtakan verður í Faxaborg föstudaginn 21. mars og byrjar kl. 20. Við byrjum á fjórganginum V2 – unglingar – ungmenni – fullorðnir. Síðan er töltið T3 í sömu röð. 

Þátttökugjald er kr. 2.000.-, en þátttaka er bundin við félagsmenn í félögum á Vesturlandi.

Þátttöku ber að tilkynna á netfangið kristgis@simnet.is eða í síma 898 – 4569. Fram þarf að koma nafn knapa – nafn hests – grein – og upp á hvora höndina riðið verður.
Við höfum gamla lagið á þessu og notum excel enda frekar einfaldir útreikningar. Tilkynna þarf mætingu í síðasta lagi kl. 20 á fimmtudag.

Reiknað er með að efstu knapar í fimmgangi á laugardaginn síðasta hafi unnið sér inn þátttökurétt að uppfylltum skilyrðum um félagsaðild.