mánudagur, 19. ágúst 2019
 
TölublöðVenjuleg útgáfa

Bikarkeppni milli hestamannafélaga

27. janúar 2011 kl. 10:39

Bikarkeppni milli hestamannafélaga

Ákveðið hefur verið að halda Bikarkeppni á milli hestamannafélaga á höfuðborgarsvæðinu líkt og síðastliðin ár...

Mótin eru haldin á föstudagskvöldum og standa í um einn og hálfan tíma. Mótin eru stutt og er lögð rík áhersla á að þau séu áhorfendavæn og að mikilvægt sé að ná upp stemningu á áhorfendapöllunum.
 Eftirfarandi mót verða haldin í mótaröðinni:
Föstudaginn 11. febrúar - Þrígangsmót –Reiðhöll Harðarmanna í Mosfellsbæ . Fjórir hestar frá hverju félagi. Tveir sýna brokk, stökk og fegurðartölt, hinir tveir sýna brokk tölt og skeið.
Föstudaginn 25. febrúar – Tölt ( 3 hestar frá hverju félagi ) Reiðhöll Mána Keflavík
Föstudaginn 11. mars – Hraðafimismót – Reiðhöllinni Víðidal (tími ræður röð - tveir úr hverju félagi sem keppa í þrautabraut, ásamt einum skeiðhesti og einum brokkhesti á tíma í gegnum höllina)

Stigaútreikningar verða þannig:
1. Sæti gefur 10 stig
2. Sæti gefur 8 stig
3. Sæti gefur 6 stig
4. Sæti gefur 4 stig
5. Sæti gefur 3 stig
6. Sæti og öll sæti eftir það gefa 1 stig.

Hvert hestamannafélag velur liðstjóra (landsliðseinvald) og er hann tengiliður í öllu sem viðkemur mótunum og ábyrgur fyrir sitt hestamannafélag.
Á hverju móti verður öflugasta stuðningsliðið valið (það kemur stuðningslið frá hverju hestamannafélagi) og fær það stuðningsmannalið, sem stendur sig best á öllum keppnunum þremur, bikar á lokamótinu eins og það hestamannafélag sem sigrar keppnina.
Stutt og skemmtileg mót þar sem áhorfendur eru líka þátttakendur og síðan er það spurning um hvaða hestamannafélag er best ríðandi?
Rífum upp stemninguna og tökum þátt!
Mótanefnd Bikarmóts