föstudagur, 19. júlí 2019
 
TölublöðVenjuleg útgáfa

Afmælissýning Fsu

2. nóvember 2016 kl. 09:35

Fánaberar af hestabraut Fsu

Hestabraut Fjölbrautaskóla Suðurlands 10 ára, öllum boðið á reiðhallarsýningu

Hestabraut FSu fagnar nú í haust 10 ára starfsafmæli og verður af því tilefni að blásið til afmælishátíðar  þann 3. nóvember nk.  Veislan fer fram í reiðhöll hestamannafélagsins Sleipnis og hefst dagskráin kl. 17:00. Nemendur hestabrautarinnar hafa undanfarið æft að kappi og verða með sýningu sem mun gefa áhorfendum góða mynd að því fjölbreytta og skemmtilega starfi sem þar fer fram. Nemendur, kennarar og aðrir aðstandendur brautarinnar vilja að þessu tilefni bjóða öllum áhugasömum að koma og njóta skemmtilegrar sýningar jafnframt því að kynnast starfi brautarinnar. Allir eru velkomnir

En aðeins um hestabraut FSu. Kennsla við brautina hófst í september 2006 fyrir tilstilli LH og nokkurra áhugasamra aðila á Suðurlandi.  Þennan fyrsta vetur voru 12 nemendur sem voru ákveðnir brautryðjendur í því sem koma skildi. Ljóst var strax á fyrstu árum að mikil ásókn væri í nám að þessu tagi og hafa að jafnaði 15 – 20 nýir nemendur byrjað á hverju ári en á brautinni og eru að jafnaði um 30 nemendur ári í heild sinni. Nemendur fá verklega kennslu í bæði reiðmennsku og flestum öðrum þáttum er viðkoma hestamennsku, en jafnframt eru bóklegar kennslustundir þar sem farið er yfir fræðilega þætti og þeir tengdir við praktíska nálgun. Í fyrrahaust, skólaárið 2015-2016 var í fyrsta sinn kennt eftir nýrri námskrá fyrir hestabraut sem gefur möguleika til stúdentsprófs. Um vorið 2016 útskrifuðust frá FSu, í fyrsta sinn á Íslandi, nemendur með stúdentspróf af hestabraut.

 Vefslóðin fyrir viðburðinn er: https://www.facebook.com/events/1604437173186644/