laugardagur, 17. nóvember 2018
 
TölublöðVenjuleg útgáfa

Vilt þú taka þátt í Suðurlandsdeildinni?

Óðinn Örn Jóhannsson
16. október 2018 kl. 09:03

Nú er tækifæri til þess að setja saman lið.

Nú er tækifæri til þess að setja saman lið og vera með á komandi á komandi keppnistímabili í Suðurlandsdeildinni í hestaíþróttum!

Suðurlandsdeildin í hestaíþróttum hefur nú farið fram tvisvar sinnum og svo sannarlega hleypt lífi í alla hestamennsku á svæðinu. 

Liðin verða áfram skipuð 2-3 atvinnumönnum og 3 áhugamönnum. Á hverju kvöldi keppa 2 áhugamenn og 2 atvinnumenn, nema á lokakvöldinu - þá geta allir keppt. Áhugamaður má keppa sem atvinnumaður en atvinnumaður má ekki keppa sem áhugamaður. Áfram verður Suðurlandsdeildin einungis liðakeppni en þrjú stigahæstu liðin verða verðlaunuð í ár.  

Atvinnumaður: Allir ásamt ungmennum.

Áhugamaður: Er að lágmarki 22 ára á árinu og má ekki hafa keppt í meistaraflokk undangengið keppnisár.

Suðurlandsdeildin hefst þann 22. Janúar 2019 og verða keppniskvöldin fjögur. Á síðasta kvöldinu verður einnig keppt í skeiði og keppir þá einn áhugamaður og einn atvinnumaður eða tveir áhugamenn fyrir hvert lið í þeirri grein. Ætlast er til að allir liðsmenn keppi a.m.k. einu sinni á tímabilinu.

22. janúar - Fjórgangur

5. febrúar - Fimmgangur

22. febrúar – Parafimi

5. mars – Tölt og skeið

8. mars - Lokahóf

Umsóknarfrestur er til 31. október og þurfa þá allir jafnframt að skila inn upplýsingum um liðsskipan. 

Þátttökugjald er 130.000 kr. 

Allar spurningar vegna Suðurlandsdeildar skulu sendar á rangarhollin@gmail.com.

Sjáumst í Rangárhöllinni í vetur!