miðvikudagur, 17. október 2018
 
TölublöðVenjuleg útgáfa

Undanþágu hafnað

15. maí 2015 kl. 21:08

Helga Una Björnsdóttir byrjaði ung að sýna hross í kynbótadómi. Hér er hún á Sendingu frá Þorlákshöfn.

Tilkynning vegna röntgenmynda af hækilliðum stóðhesta.

Vegna verkfalls dýralækna sem starfa hjá Matvælastofnun hefur aflestur röntgenmynda af hækilliðum stóðhesta og birting niðurstaðna í WorldFeng legið niðri. Þetta er forsenda þess að hægt sé að skrá stóðhesta sem eru 5 vetra og eldri á kynbótasýningar.

Bændasamtök Íslands sóttu um undanþágu frá verkfalli í þeim tilgangi að sérgreinadýralækni hrossasjúkdóma væri heimilt að lesa úr röntgenmyndum af stóðhestum og birta niðurstöður í WorldFeng. Þeirri beiðni var hafnað án rökstuðnings. Fagráð í hrossarækt harmar þessa niðurstöðu en hvetur ennfremur alla eigendur 5. vetra hesta að láta mynda þá hesta sem stefnt er með í dóm, þannig að sérgreinadýralæknir hrossasjúkdóma geti greint myndirnar um leið og verkfall leysist.