mánudagur, 22. janúar 2018
 
TölublöðVenjuleg útgáfa

Suðurlandsdeildin

Óðinn Örn Jóhannsson
10. janúar 2018 kl. 10:57

Hefst 6. febrúar.

Nú styttist í að Suðurlandsdeildin í hestaíþróttum fari af stað í annað sinn. Suðurlandsdeildin fer fram í Rangárhöllinni á Hellu og koma knapar af öllu suðurlandi til þess að taka þátt. Fyrsta mót er þann 6. febrúar og verður þá keppt í fjórgang. Suðurlandsdeildin fór af stað á síðasta ári við virkilega góðan orðstýr en sérstaða hennar er sú að atvinnumenn og áhugamenn keppa saman og mynda lið. Engin einstaklingskeppni fer fram. Liðin verða áfram 12 en knöpum fjölgar um einn í flestum liðum, bætt er við einum atvinnumanni. Mótin verða áfram fjögur og eru dagsetningar eftirfarandi.

6. febrúar - fjórgangur

20. febrúar - tölt

6. mars - parafimi

20. mars - fimmgangur

Keppni hefst alltaf kl. 18:00.

Á síðasta ári var það lið Krappa sem stóð uppi sem sigurvegar eftir mótin 4, lið Hemlu/Hrímnis/Strandarhöfðus varð annað og lið Húsasmiðjunnar það þriðja, öll liðin taka aftur þátt. Í ár eru einnig nokkur ný lið og nýjir knapar innan sumra liða og verður virkilega spennandi að fylgjast með framvindu deildarinnar.

Liðin verða kynnt reglulega fram að fyrstu keppni. 

Sjáumst í Rangárhöllinni á Hellu þann 6. febrúar!