mánudagur, 25. september 2017
 
TölublöðVenjuleg útgáfa

Stórsýning Sunnlenskra hestamanna

9. apríl 2017 kl. 14:19

Kristín Lárusdóttir og Þokki frá Efstu-Grund Mynd: Frida Hermansson - www.fridahermansson.com

Á skírdag fer fram í Rangárhöllinni skemmtileg og fjölbreytt sýning

Á skírdagskvöld, sem er næstkomandi fimmtudagur, stendur Rangárhöllin fyrir skemmtilegri og fjölbreyttri hestasýningu.

Húsið opnar 19:00 og sýningin hefst klukkan 20:00. Forsala miða er á Tix.is

Miðaverð er 2500 krónur og verða miðar seldir við hurð. 

Meðal atriða eru hátt dæmdir stóðhestar og hryssur. Afkvæmahestar, ræktunarbússýningar og fleira sem gleður augað.

Fyrsta atriðið sem við kynnum ber yfirskriftina bræður frá Hellu. Þar er um að ræða hinn hátt dæmda Þórodsson Prins frá Hellu. Sá er með háan kynbótadóm sem hljóðar upp á 8,39 í aðaleinkunn og hefur hæst farið í 8,63 í A-flokk auk þess að standa sig vel í keppni í fimmgang. Sammæðra honum er Mökkur frá Hellu undan Mídasi frá Kaldbak. Móðir þessara hesta er Perla frá Árbæ sem er undan Baldri frá Bakka. Það verður gaman að sjá þessa bræður dansa um gólfið.

Tveir heimsmeistarar í tölti sem eiga það sameiginlegt að vera úr Skaftafellssýslu munu leika listir sínar. Þetta eru þau Kristín Lárusdóttir sem er ríkjandi heimsmeistari í tölti frá því í HM 2015 í Danmörku og Vignir Siggeirsson sem varð heimsmeistari í tölti 1997 í Seljjord í Noregi. Gaman verður að sjá þessa mögnuðu Skaftfellinga saman í atriði.

Sigurvegarar parafimi frá því í suðurlandsdeildinni í vetur koma fram með skemmtileg og fjölbreytt atriði.

Við hvetjum alla unga sem aldna að gera sér ferð á þessa spennandi sýningu og skemmta sér með hestamönnum.