laugardagur, 23. febrúar 2019
 
TölublöðVenjuleg útgáfa

Sigurbjörn og Guðmundur heiðraðir

1. júlí 2012 kl. 13:21

Sigurbjörn og Guðmundur heiðraðir

Fánaberar frá Félagi tamningamanna settu hátíðlegan svip á Víðidalinn nú fyrir stundu en þá var Sigurbirni Bárðarsyni og Guðmundi Björgvinssyni veitt knapaverðlaun.

Sigurbjörn hlaut reiðmennskuverðlaun félagsins en henni er veitt þeim keppanda er þykir sýna afburðar fyrirmyndarreiðmennsku á mótinu. Sigurbjörn hefur nú þegar tryggt sér tvo landsmótsbikara, sigraði bæði 150 og 250 metra skeiði, fékk svo silfur í 100 metra flugskeiði og var í gærkvöldi í 4. sæti í töltkeppninni. Hann mun svo eygja von um enn ein verðlaunin á eftir er hann mætir með Stakk frá Halldórsstöðum í úrslit A-flokks gæðinga.

Guðmundi Björgvinssyni var afhent Gregesen styttu Landsmótsins í ár en styttan er farandgripur sem veittur er knapa sem þykir vara til fyrirmyndar hvað varðar prúðmannelga reiðmennsku, klæðaburð og hirðingu hests. Guðmundur hefur verið iðinn sýnandi kynbótahrossa á mótinu auk þess sem hann keppti í nær öllum keppnisgreinum mótsins.