Þriðjungi færri kynbbótahross fulldæmd

Þóra frá Prestsbæ með hæstu aðaleinkunn

186 kynbótahross hlutu fullnaðardóm á þremur kynbótasýningum sem haldnar voru hér á landi í síðustu viku. Af þeim fengu 79 fyrstu verðlaun, 8,0 eða hærra í aðaleinkunn, eða 42,5%. Sem er hátt hlutfall.

Á Vindheimamelum í Skagafirði hlutu 78 hross fullnaðardóm og 32 fyrstu verðlaun, eða 41%. Á Gaddstaðaflötum við Hellu hlutu 61 hross fullnaðardóm og 26 fyrstu verðlaun, eða 42%. Í Víðidal í Reykjavík hlutu 47 hross fullnaðardóm og 21 fyrstu verðlaun, eða 44%.

Aðeins 500 kynbótadómar hafa verið framdir á þessu ári. Landsmótsárið 2008 voru meira en 1500 dómar framdir á vorsýningum fyrir Landsmótið á Gaddstaðaflötum. Það er því augljóst að hrossapestin setur verulegt mark kynbótasýningarnar.

Árangur efstu hrossa í hverjum flokki er þó allgóður. Efst yfir landið er Þóra frá Prestsbæ með 8,72 í aðaleinkunn og næstur er Kiljan frá Steinnesi með 8,71. Þrjú efstu hross í hverjum flokki á kynbótasýningum hér á landi á þessu ári eru:

4 vetra stóðhestar:

Hrannar frá Flugumýri II 8,18

Sólmundur frá Hlemmiskeiði 3, 8,16

Krókur frá Ytra-Dalsgerði 8,13

4 vetra hryssur:

Sýn frá Grafarkoti 8,12

Storð frá Stuðlum 8,03

Elding frá Barká 8,02

5 vetra stóðhestar:

Brimnir frá Ketilsstöðum 8,45

Segull frá Flugumýri II 8,35

Hrímnir frá Ósi 8,32

5 vetra hryssur:

Birta frá Mið-Fossum 8,40

Orka frá Einhamri 2, 8,38

Þota frá Flagbjarnarholti 8,35

6 vetra stóðhestar:

Kiljan frá Steinnesi 8,71

Seiður frá Flugumýri II, 8,59

Kappi frá Kommu 8,51

6 vetra hryssur:

Krækja frá Efri-Rauðalæk 8,34

Hríma frá Þjóðólfshaga 8,32

Ísafold frá Jaðri 8,30

7 vetra og eldri stóðhestar:

Borgar frá Strandarhjáleigu 8,44

Már frá Feti 8,38

Tristan frá Árerði 8,36

7 vetra og eldri hryssur:

Þóra frá Prestbæ 8,72

För frá Hólum 8,48

Björk frá Vindási 8,45