Folaldasýning Sörla - Skráning

Hin árlega folaldasýning Sörla verður haldin í reiðhöllinni að Sörlastöðum í Hafnarfirði þann 13. mars næstkomandi. Sýningin byrjar klukkan 14 og frítt verður inn á sýninguna. Dómari sýningarinnar verður Jón Vilmundarsson. Í verðlaun verða folatollar undir þekkta stóðhesta fyrir 10 efstu folöldin auk verðlaunapeninga. Sigurvegari sýningarinnar fær eignarbikar og Þjórsárbakkabikarinn sem gefinn er af Sörlafélaganum og hrossaræktandanum Haraldi Þorgeirssyni.

Skráning er í fullum gangi á tölvupóstföngin brs2@hi.is og atli@alltaf.com . Skráningarfrestur rennur út fimmtudaginn 11. mars og skráningargjald er 2.000 kr. fyrir fyrsta folald en 1.000 kr. ef eigandi skráir fleiri en eitt folald. Fram skal koma nafn folalds, uppruni, kyn, litur, faðir, móðir, eigandi og ræktandi. 

Greiða skal skráningargjald á reikning nr. 101-05-284456, kt. 200173-3099 og senda staðfestingu á tölvupóstfangið atli@alltaf.com.

Kynbótanefnd