sunnudagur, 23. september 2018
 
TölublöðVenjuleg útgáfa

Ráðherra boðar til blaðamannafundar

10. desember 2009 kl. 10:07

Ráðherra boðar til blaðamannafundar

Sjávarútvegs- og landbúnaðarráðherra, Jón Bjarnason, boðar til fréttamannafundar á morgun fimmtudaginn 10. desember kl. 11:00 að Skúlagötu 4, í fundarsal á 5. hæð, þar sem kynnt verður skýrslan: Markaðssetning íslenska hestsins erlendis. Skýrslan er unnin af nefnd á vegum ráðuneytisins sem hafði að verkefni, m.a. að meta hvernig staðið er að kynningu íslenska hestsins erlendis.

Nefndin hefur nú lokið störfum og komið fram með ýmsar hugmyndir til að auka framgang íslenska hestsins alþjóðlega í samkeppni við önnur sporthestakyn, tryggja stöðu hrossa fæddra og uppfóstraðra á Íslandi í samkeppni við erlend fædd hross af íslenskum stofni og auka þátt hestsins í landkynningu. Skal hér nefnt þrennt:

Fyrsta; markaðsátak á árinu 2010 undir heitinu: Hestavika á Íslandi að vetri en íslensk vetrarhestamennska bæði í borg og byggð er á margan hátt einstök í sinni röð. Annað; aukið yrði framboð á fjölþættum hestasýningum fyrir ferðamenn og þriðja; gert yrði átak til að fá viðurkenningu á hestaíþróttum á íslenskum hestum sem ólympíska íþrótt.

Jafnframt verða kynntar á blaðamannafundinum ýmsar áhugaverðar tölulegar upplýsingar um íslenska hestaheimin og útflutning hrossa. 

Sjávarútvegs- og landbúnaðarráðuneytinu
9. desember 2009



Mest lesið
Í DAG VIKAN
 

Góð upplifun forsetans

14. ágúst 15:00