miðvikudagur, 17. október 2018
 
TölublöðVenjuleg útgáfa

Markmiðanámskeið

5. júní 2015 kl. 13:45

Allir knapar velkomnir.

Markmiðanámskeið í sumar

Fyrsta markmiðanámskeiðið með Örnu Ýri hefst miðvikudaginn 10. júní. Undirtektir hafa verið góðar og fyrsta námskeiðið að mestu fullskipað. Það eru því að verða síðustu forvöð til að komast að á fyrsta námskeiðinu. Allir knapar eru verðugir þátttakendur. Unnið verður út frá markmiðum hvers og eins og lögð áhersla á að ná árangri með samvinnu knapa og hests. Frekari útlistun á fyrirkomulagi námskeiðsins:

Frekari útlistun á fyrirkomulagi námskeiðsins:

Tveggja vikna námskeið fyrir metnaðarfulla knapa á aldrinum 10-17 ára.

Knapinn þarf að hafa aðgang að góðum hest sem hann er öruggur á. Knapinn þarf að útvega sér reiðtygi. Knapinn þarf að vera metnaðarfullur og verður að vera tilbúinn að leggja hart að sér til að bæta eigin færni og getu hestsins.

Námskeiðið fer fram frá hesthúsi mínu í A-tröð 8, Víðidal í Reykjavík. Knapar koma með hesta sína daginn áður en námskeiðið hefst. Ég sé um að hýsa þá meðan námskeiðið stendur. Saman munu nemendur sjá um hesta sína á námskeiðsdögum en á frídögum verður séð um þá. Á hvert námskeið komast fimm knapar. Frekari upplýsingar um dagsetningar og fleira má sjá hér neðst.

Námskeiðið byggir á því að hver knapi setji sér markmið með sinn hest. Við vinnum svo markvisst að því að ná þeim markmiðum.

Gagnkvæm virðing knapa og hests er sá grunnur sem námskeiðið byggir á. Þannig er stuðlað að betra samspili, sterkari tengslum og skemmtilegri samvinnu parsins.

Námskeiðinu verður skipt í tvennt: Tímar fyrir hádegi eru hugsaðir fyrir knapa á aldrinum 10-13 ára. Tímar eftir hádegi eru hugsaðir fyrir knapa á aldrinum 14-17 ára.

Dagsetningar: 10. júní – 19. júní (kennt verður aukalega laugardaginn 13. júní) 22. júní – 3. júlí 6. júlí – 17. júlí 20. júlí – 31. júlí

Skráningar fara fram í síma 690-1421 (Arna Ýr) og í gegnum netfangið arnayrgudnadottir@gmail.com Námskeiðsgjald er 35.000 kr (28.000 kr fyrir fyrsta námskeiðið þar sem það eru 8 dagar í stað 10).

Með áralangri reynslu af vinnu með hesta, uppbyggingu keppnishrossa og þátttöku í keppnum og stórmótum hef ég séð hvað markmiðasetning hefur hjálpað mér mikið í að ná árangri. Mér finnst spennandi viðfangsefni að miðla þeirri reynslu sem ég hef fengið í minni hestamennsku.

Ég vil nefna hér hugmynd: Í gegnum árin hef ég haldið dagbók fyrir hestamennsku mína. Þar skrái ég markmið mín, vinnu við hestana og árangur. Fyrir mig eru þessar dagbækur búnar að vera ómetanlegar

við að auðvelda skipulagningu vinnunnar meðan þjálfun stendur yfir og seinna meir verða þær ómetanlegur dýrgripur um þjálfun, fóðrun og framfarir. Ég mun hvetja krakkana til að halda dagbók en auðvitað er það undir hverjum og einum komið.

Því má bæta við að ég er að ljúka öðru ári í læknisfræði og er með gilt skyndihjálpar skírteini vottað af Rauðakrossinum og Velferðarráðuneytinu.

Ekki hika við að hafa samband ef spurningar vakna J Arna Ýr Guðnadóttir