þriðjudagur, 13. nóvember 2018
 
TölublöðVenjuleg útgáfa

Kvennatölt Harðar

26. mars 2010 kl. 13:27

Kvennatölt Harðar

1.apríl næstkomandi (Skírdag) verður opið töltmót fyrir konur í Reiðhöllinni hjá Herði.  Mótið hefst klukkan 14.00 og keppt verður í 4 flokkum, byrjendaflokki, minna vanar, meira vanar og opnum flokki.  Byrjendaflokkur ríður hægt tölt og fegurðartölt, aðrir flokkar ríða hægt tölt, hraðabreytingar og yfirferðartölt, hefðbundið töltprógram. 

Skráningargjald er 2000 krónur og skráning fer fram mánudaginn 29.mars klukkan 19-21 í Harðarbóli og í síma 566 8282.  Ganga verður frá greiðslu við skráningu.

Að kvöldi 1. apríl verður svo slegið upp kvennakvöldi í Harðarbóli þar sem skvísur munu sletta úr klaufum fram á nótt!  Nánar auglýst síðar.