mánudagur, 19. nóvember 2018
 
TölublöðVenjuleg útgáfa

KS-Deildin byrjar á þorra

Jens Einarsson
19. nóvember 2009 kl. 10:58

Kaupfélagið sterkt að baki deildinni

Meistaradeild Norðurlands í hestaíþróttum, KS-Deildin, verður haldin í þriðja sinn í vetur. Mótaröðin fer að venju fram í Svaðastaðahöllinni á Sauðárkóki. Eyþór Jónasson, framkvæmdastjóri Svaðastaðahallarinnar og einn af eigendum KS-Deildarinnar, segir að hvergi verði slakað á í vetur. Kaupfélag Skagfirðinga standi sterkt að baki deildarinnar og fullur byr sé í seglunum. Eyþór segir að mikill áhugi sé á meðal knapa á svæðinu og býst við töluvert meiri þátttöku í úrtöku en í fyrra. Úrtakan fer fram í janúar á nýju ári og fyrsta mótið seinni partinn í febrúar. Árni Gunnarsson hjá kvikmyndagerðinni Skottu ehf. mun gera sjónvarpsþætti um mótaröðina eins og í fyrra.

Mynd: Bjarni Jónasson, knapi ársins í Skagafirði, mun væntanlega taka þátt í KS-Deildinni. VB MYND/JENS EINARSSON.