sunnudagur, 19. maí 2019
 
TölublöðVenjuleg útgáfa

Jarl mætir

14. apríl 2014 kl. 13:18

Jarl frá Árbæjarhjáleigu

Dymbilvikusýningin

Nú fer dagskrá Dymbilvikusýningar Spretts að verða klár. Ljóst er að glæsilegir gæðingar munu gleðja augað í nýju Sprettshöllinni þann 16. apríl næstkomandi.

Má þar nefna að Árbæjarhjáleiga og Jarl mæta á sýninguna. Eins og flestum er kunnugt er Jarl með 8,71 í aðaleinkun, 8,92 fyrir kosti þar af 9 fyrir tölt og fegurð í reið og 9,5 fyrir skeið og 9,5 fyrir vilja og geðslag. Einnig mæti Fet á sýninguna þar sem hinn flotti Þristssonur Straumur frá Feti verður með í för, en hann er hæst dæmdi klárhesturinn árið 2013 með samtals 9 níur.

Eins og áður hefur komið fram mæta einnig glæsihryssan og nýja stjarnan Sibil frá Torfastöðum sem og Nökkvi frá Skörðugili sem var annar í flokki 5 vetra stóðhesta á síðasta ári.