þriðjudagur, 21. maí 2019
 
TölublöðVenjuleg útgáfa

"Húnvetnskur sigur"

gisli@eidfaxi.is
14. febrúar 2019 kl. 13:06

Ísólfur Líndal Gæðingafimi

Ísólfur Líndal sigraði gæðingafimi á Krumma frá Höfðabakka

Ísólfur Líndal sigraði gæðingafimi á Krumma frá Höfðabakka

Fyrsta keppnisgrein vetrarins í meistaradeild KS í hestaíþróttum fór fram miðvikudagskvöldið 13.febrúar þegar keppt var í gæðingafimi. Mikil eftirvænting var fyrir kvöldinu og sást það á góðri mætingu áhorfenda í Svaðastaðahöllina.

Alls tóku 24 knapar þátt og voru þeir fulltrúar 8 liða. Það má með sanni segja að Húnverska liðið Skoies Prestige hafi staðið uppi sem sigurvegari kvöldsins. Ísólfur Líndal Þórisson sigraði gæðingafimina á glæsi hestinum Krumma frá Höfðabakka. Liðsfélagar hans þau Elvar Logi Friðriksson og Fanney Dögg Indriðadóttir riðu einnig til úrslita og varð Elvar Logi í öðru sæti og Fanney í því fjórða.

Ísólfur og Krummi voru í öðru sæti eftir forkeppni en gerðu betur í úrslitum og uppskáru efsta sætið verðskuldað. Krummi er ákaflega eftirtektarverður hestur með mikið fas og góðar gangtegundir. Ísólfur sýndi hann af snilldarbrag, sér í lagi í úrslitinum.

Það var ákaflega gaman að fylgjast með þeim Elvar Loga og Fanneyju Dögg en reiðmennska þeirra beggja einkenndist af léttleika. Ekki skemmdi fyrir að þau voru á glæsihryssum ræktaðar af annars vegar móður Fanneyjar og hinsvegar systur hennar. 

Sina Scholz, á hesti sínum Nóa frá Saurbæ, var efst að lokinni forkeppni. Sýning hennar var ákaflega skemmtileg og lífleg enda uppskáru þau Nói mikil fagnaðarlæti hjá áhorfendum sem hrifust með.

Eftirfarandi eru öll úrslit kvöldins ásamt stigum í liðakeppni.

A-úrslit

1. Ísólfur Líndal Þórisson og Krummi frá Höfðabakka 7,67
2. Elvar Logi Friðriksson og Griffla frá Grafarkoti 7,33
3.Sina Scholz og Nói frá Saurbæ 7,27
4. Fanney Dögg Indriðadóttir og Trygglind frá Grafarkoti 7,13
5.Freyja Amble Gísladóttir og Fannar frá Hafsteinsstöðum 7,03
6.Þórarinn Eymundsson og Laukur frá Varmalæk 6,97

Forkeppni

1. Sina Scholz og Nói frá Saurbæ 7,23
2. Ísólfur Líndal Þórisson og Krummi frá Höfðabakka 7,2
3.Þórarinn Eymundsson og Laukur frá Varmalæk 7,1
4.Elvar Logi Friðriksson og Griffla frá Grafarkoti 7
5. Freyja Amble Gísladóttir og Fannar frá Hafsteinsstöðum 6,97
6.Fanney Dögg Indriðadóttir og Trygglind frá Grafarkoti 6,91
7. Mette Mannseth og Kalsi frá Þúfum 6,9
8.Artemisia Bertus og Herjann frá Nautabúi 6,9
9.Elvar Einarsson og Gjöf frá Sjávarborg 6,73
10.Snorri Dal og Sæþór frá Stafholti 6,73
11.Þorsteinn Björnsson og Kveðja frá Hólum 6,73
12.Barbara Wenzl og Kná frá Engihlíð 6,6
13.Anna Björk Ólafsdottir og Gustur frá Stykkishólmi 6,53
14.Bjarni Jónasson og Viðja frá Hvolsvelli 6,5
15. Líney María Hjálmarsdóttir og Nátthrafn frá Varmalæk 6,47
16.Árný Oddbjörg Oddsdóttir og Ísafold frá Efra-Langholti 6,47
17. Guðmar Freyr Magnússon og Sátt frá Kúskerpi 6,33
18.Sigrún Rós Helgadóttir og Halla frá Kverná 6,33
19.Fanndís Viðarsdóttir og Vænting frá Hrafnagili 6,27
20.Vignir Sigurðsson og Salka frá Litlu Brekku 6,27
21.Pétur Örn Sveinsson og Hlekkur frá Saurbæ 6,17
22.Konráð Valur Sveinsson og Losti frá Ekru 6,17
23. Guðmundur Karl Tryggvason og Skriða frá Hlemmiskeiði 5,93
24.Magnús Bragi Magnússon og Sóta frá Steinnesi 5,77

 

Liðakeppni                      

Team Skoies/Prestige      64

Hrímnir                            44,5

Þúfur/                              40

Hofstorfan                       39

Leikniskerrur                   24,5

Kerchaert                         20

Lið Flúðasveppa               14

Team Byko                       8