miðvikudagur, 21. nóvember 2018
 
TölublöðVenjuleg útgáfa

Hætta við tilraun á hringvelli

Jens Einarsson
11. ágúst 2010 kl. 10:35

Tvísýnt lögmæti setur strik í reikninginn

Guðlaugur Antonsson, hrossaræktarráðunautur, hefur fyrir hönd fagráðs í hrossarækt sent frá sér tilkynningu, sem birtist á vef Félags hrossabænda. Hún er þess efnis að hætt sé við tilraun með sýningu kynbótahrossa á Gaddstaðaflötum, sem að hluta átti að fara fram á hringvelli. Sýningin muni fara fram með hefðbundnum hætti. Tilkynningin er loðin en ljóst að umræða um hugsanlegt ólögmæti kynbótasýninga ársins, þar á meðal nefndrar tilraunar, hefur sett strik í reikninginn. Tilkynningin er svohljóðandi:

Hefðbundin síðsumarssýning á Hellu

Vegna þeirra aðstæðna sem uppi eru í hrossahaldi landsmanna, hefur verið ákveðið að vel athuguðu máli, að hætta að sinni við þá nýbreytni og tilraun sem til stóð að framkvæma á komandi síðsumarsýningu á Hellu að blanda saman reið á beinni braut og hringvelli. Síðsumarsýningin mun því fara fram með sama hætti og aðrar kynbótasýningar ársins. f.h. Fagráðs í hrossarækt. Guðlaugur V. Antonsson