mánudagur, 10. desember 2018
 
TölublöðVenjuleg útgáfa

Hrossapestin ekki nýbúi

25. júní 2010 kl. 11:33

Lík tilfelli í fyrravetur

Ekki er víst að hestapestin sem geisað hefur síðan í mars sé alveg ný af nálinni hér á landi. Hestar og hestamenn hafa upplýsingar um hrossabú og tamningastöðvar, bæði á Suðurlandi og í Skagafirði, þar sem upp komu svipuð tilfelli í fyrravetur.

Einnig veiktust öll hross á tamningastöð á Suðurlandi í janúar á þessu ári með mjög lík einkenni og í hestapestinni nú. Veikindin afgreidd af dýralæknum sem „smá kverkaskítur“. Engin sýni voru tekin til rannsókna. Samgangur hrossa á Íslandi hefur sennilega aldrei verið eins mikill og í vetur. Hestasamkomum af ýmsu tagi hefur fjölgað gífurlega með tilkomu reiðhalla víða um land. Til viðbótar við ísmót og fleiri uppákomur, innan dyra og utan.

Þá hafa tvær sundþjálunarstöðvar og tækjaþjálfunarstöð bæst við þann aragrúa tamningastöðva um allt land, þar sem hross koma og fara í stríðum straumum. Ýmsir eru því að geta sér þess til að „paddan“ sem veldur hestapestinni sé búinn að lifa góðu lífi í hrossum hér á landi mánuðum og jafnvel árum saman. Hún hafi síðan endanlega náð sér á flug í vetur með „bættum samgöngum“ í hestamennskunni.