sunnudagur, 17. febrúar 2019
 
TölublöðVenjuleg útgáfa

Helgarnámskeið með Antoni Páli Níelssyni

11. janúar 2017 kl. 10:10

Anton Páll Níelsson

Námskeiðið er haldið af hestamannafélaginu Spretti

Laugardaginn 28.janúar og sunnudaginn 29.janúar 2017 mun Sprettur halda námskeið með reiðkennaranum Antoni Páli Níelssyni.
Anton Páll Níelsson er menntaður reiðkennari B frá Háskólanum á Hólum. Hann hefur kennt við Hólaskóla í fjölda mörg ár auk þess að sinna reiðkennslu víða um heim og rækta hross frá Syðra-Holti í Svarfaðardal.

Anton Páll hefur verið einn af þjálfurum íslenska landsliðsins í hestaíþróttum sem og nokkrum erlendum landsliðum, t.d. því sænska og austurríska. Anton Páll er þekktur fyrir einfalda, hreinskilna, hestvæna og mjög árangursríka nálgun í reiðkennslu sinni. Hann er án efa einn af allra bestu reiðkennurum landsins.

Kennslan fer fram í Hattarvallahöllin. Kennslan fer fram í einkatímum báða dagana. Mælst er til þess að nemendur fylgist með kennslu hjá samnemendum sínum.

Tveir valmöguleikar á kennslu eru í boði:
2x25mín einkatími - laugardag og sunnudag
eða 1x50mín einkatími – laugardag og sunnudag.
Einungis eru í boði 8 pláss.
Verð kr.32.000 kr pr þátttakenda.

Skráning fer fram í gegnum Sportfeng.

Fræðslunefnd Spretts