þriðjudagur, 20. nóvember 2018
 
TölublöðVenjuleg útgáfa

Halldór varði titilinn á Nátthrafninum!-

4. apríl 2010 kl. 01:07

Halldór varði titilinn á Nátthrafninum!-

Það var mikil stemning á áhorfendapöllunum í Skautahöllinni í Laugardalnum í kvöld. Ístölt "Þeirra allra sterkustu" var haldið af miklum myndarskap landsliðsnefndar LH og rann ágóðinn af mótinu til íslenska landsliðsins í hestaíþróttum.

Það var hefðbundið form á kvöldinu. Byrjað var á forkeppni úrvalstöltara á ísnum og í hléi og á eftir B-úrslitum fengu áhorfendur að sjá nokkra af heitustu stóðhestum landsins.

Eftir forkeppnina var það Halldór Guðjónsson í Dal sem stóð efstur með Nátthraf frá Dallandi. Þeir félagar sigruðu Ístöltið í fyrra og áttu því titil að verja. Sem þeir og gerðu. Það var bóndinn í Pulu, Daníel Jónsson sem sigraði B-úrslitin á stóðhestinum Fonti frá Feti og áttu þeir fína sýningu í A-úrslitunum og enduðu í 5.sæti. Þórdís Erla Gunnarsdóttir fór beint í A-úrslit á hryssunni Ösp frá Enni og hafa þær stöllur nú skipað sér í röð fremstu töltpara landsins. Í fjórða sæti varð Lena Zielinski á Golu frá Þjórsárbakka. Gola er orðin reynd og sterk tölthryssa og einnig sterk í fjórganginum. Það var Sigurður bóndi Sigurðarson í Þjóðólfshaga sem varð að gera sér annað sætið að góðu á gæðingshryssunni Kjarnorku frá Kálfholti, því Halldór fór sem fyrr segir með sigur af hólmi á Nátthrafninum.

Áhorfendur fengu að sjá glæsilegar sýningar, enda fóru háu tölurnar á loft. Nátthrafn fékk til að mynda 9,5 frá nokkrum dómurum fyrir hægt tölt.

Stóðhestakynningarnar voru mjög skemmtilegar. Bæði voru sýndir klárhestar og alhliðahestar í röðum stóðhesta og sýndu þeir sig mjög vel og höfðu áhorfendur gaman að kynningunni. Þeir sem sýndir voru voru Arnoddur frá Auðsholtshjáleigu, Loki frá Selfossi, Héðinn frá Feti, Aron frá Strandarhöfði, Ómur frá Kvistum, Klerkur frá Bjarnanesi, Fróði frá Staðartungu og Tenór frá Túnsbergi.

A-úrslit
1. Halldór Guðjónsson / Nátthrafn frá Dallandi  9,22
2. Sigurður Sigurðarson / Kjarnorka frá Kálfholti  8,83
3. Lena Zielinski / Gola frá Þjórsárbakka  8,78
4. Þórdís Erla Gunnarsdóttir / Ösp frá Enni  8,39
5. Daníel Jónsson / Fontur frá Feti  8,06

B-úrslit
5. Daníel Jónsson / Fontur frá Feti
6. Barbara Wenzl / Dalur frá Háleggsstöðum  7,83
7. Birna Káradóttir / Blæja frá Háholti  7,83
8. Snorri Dal / Helgi frá Stafholti  7,83
9. Sara Ástþórsdóttir / Díva frá Álfhólum  7,78
10. Erla Guðný Gylfadóttir / Erpir frá Mið-Fossum  7,67
11. Jakob Svavar Sigurðsson / Alur frá Lundum II  7,61
 

Forkeppni

Nafn knapa    Félag    Hestur    Aðaleink.
1.    Halldór Guðjónsson    Hörður    Nátthrafn frá Dallandi    8,63
2.    Lena Zielenski    Geysir    Gola frá Þjórsbakka    8,50
3.    Sigurður Sigurðarson    Geysir    Kjarnorka frá Kálfholti    8,27
4.    Þórdís Gunnarsdóttir    Fákur    Ösp frá Enni    8,07
5.    Þorvaldur Árni Þorvaldsson    Ljúfur    Losti frá Strandarhjáleigu    8,03 - dró sig úr keppni
6.    Daníel Jónsson    Geysir    Fontur frá Feti    7,90
7.    Barbara Wenzl    Stígandi    Dalur frá Háleggsstöðum    7,80
8.    Jakob Sigurðsson    Dreyri    Alur frá Lundum    7,67
9.    Birna Káradóttir    Smári    Blæja frá Háholti    7,63
10.    Sara Ástþórsdóttir    Geysir    Díva frá Álfhólum    7,50
11.    Snorri Dal    Sörli    Helgi frá Stafholti    7,50
12.    Erla Guðný Gylfadóttir    Andvari    Erpir frá Mið-Fossum    7,50
13.    Sigurbjörn Bárðarson    Fákur    Jarl frá Mið-fossum    7,37
14.    Tryggvi Björnsson    Þytur    Bragi frá Kópavogi    7,33
15.    Bylgja Gauksdóttir    Andvari    Grýta frá Garðabæ    7,27
16.    Artemisia Bertus    Sleipnir    Flugar frá Litla-Garði    7,23
17.    Viðar Ingólfsson     Fákur    Kliður frá Tjarnarlandi    7,17
18.    Leó Geir Arnarsson    Geysir    Krít frá Miðhjáleigu    7,07
19.    Arna Ýr Guðnadóttir    Fákur    Þróttur frá Fróni    7,03
20.    Sara Sigurbjörnsdóttir    Fákur    Líf frá Möðrufelli    7,00
21.    Tómas Örn Snorrason    Fákur    Alki frá Akrakoti    6,83
22.    John Kristinn Sigurjónsson    Fákur    Reykur frá Skefilsstöðum    6,70
23.    Linda Rún Pétursdóttir    Hörður    Gulltoppur frá Leirulæk    6,53
24.    Valdimar Bergstað    Fákur    Leiknir frá Vakursstöðum    0,00 - hætti keppni
25.    Sigursteinn Sumarliðason    Sleipnir    Borði frá Fellskoti    0,00 - afskráði
26.    Guðmundur Björgvinsson    Geysir    Smyrill frá Hrísum    0,00 - afskráði