föstudagur, 19. október 2018
 
TölublöðVenjuleg útgáfa

Gæðingakeppni fyrir byrjendur

12. maí 2015 kl. 10:31

Það er gott að byrja einhvers staðar og svo gæti farið að hægt verði að keppa í C-flokki gæðinga. Loki frá Selfossi og Sigurður Sigurðarson eru ríkjandi Landsmótsmeistarar í B-flokki gæðinga.

Gæðingadómarafélagið hvetur mótshaldara til að bjóða upp á C-flokk gæðinga.

Gæðingadómarafélag Íslands, GDLH, sendir frá sér eftirfarandi tilkynningu:

"Á síðasta landsþingi var samþykkt að prufukeyra C-flokk í gæðingakeppni. Flokkur þessi er ætlaður byrjendum og lítið keppnisvönu fólki til þess að byrja að spreyta sig í gæðingakeppninni. Mótshaldarar hafa fengið tölvupóst og hvattir til þess að bjóða upp á þennan flokk á mótum sínum í vor.  Þetta er frábært tækifæri til þess að fjölga keppendum í gæðingakeppni hérlendi og erlendis og kynna þá frábæru keppni sem gæðingakeppnin er."

Hér fyrir neðan má sjá upplýsingar um C flokk.

C - Flokkur

Knapi og hestur sem keppir í C- flokki , getur ekki keppt líka í A og B flokk á sama móti.

 C - flokkur gæðinga

  • Hringvöllur : Riðnir skulu tveir hringir og sýnt fet , tölt og/eða brokk, og stökk.
  • Bein braut : Riðnar skulu 4 ferðir.   (c.a 4x80 metrar)
  • Sýni keppandi bæði brokk og tölt er einkunn fyrir betri gangtegundina notuð.
  • Einkunnir skulu gefnar eftir þeirri reglu að talan 5 er grunntala þ.e. lægsta tala í einkunnargjöf og jafngildir því núlli.

Einkunnir skal reikna samkvæmt eftirfarandi kvarða:

C- flokkur

Atriði                      Einkunn                                   Vægi
1. Fetgangur                             5 – 10                   1
2.Brokk og/ eða tölt            5 - 10  1
3. Stökk                                      5-10                        1
4. Vilji                                         5 - 10                        1
5. Fegurð í reið                   5 - 10                         1

Deilitala dómara til að fá aðaleinkunn keppanda er 5. Séu allar einkunnir lesnar upp er deilt í dómpalli með 15 séu 3 dómarar að dæma, en 25 séu fimm dómarar að dæma.

Úrslit C - flokkur

  • Sýna skal fet allt að einum hring upp á hvora hönd.
  • Tölt og/eða brokk skal sýna minnst tvo hringi til hvorrar handar.
  • Knapi þarf að velja hvort hann sýnir tölt eða brokk í úrslitum, hann getur ekki sýnt bæði.
  • Stökk skal sýna tvo spretti, einn í einu, með hraðamun og mjúkri niðurhægingu.
  • Stökk Keppendur safnist saman á skammhlið / eða enda brautar ef notuð er bein braut og komi sér saman um, í samráði við stjórnanda, í hvora áttina skal ríða.
  • Eftir hverja gangtegund er gefin einkunn og í lokin fyrir vilja og fegurð í reið.