sunnudagur, 23. júlí 2017
 
TölublöðVenjuleg útgáfa

Fimmgangur fyrir flotta krakka!

16. mars 2017 kl. 10:15

Hestamannafélagið Sprettur

Blue Lagoon mótaröðin heldur áfram

Minnum á að skráning á annað mót Blue Lagoon mótaraðarinnar er í fullum gangi, en keppt verður í fimmgangi í þetta skiptið í Samskipahöllinni í Kópavogi. Mótið verður haldið sunnudaginn 19. mars nk. og er í boði Heimahaga.

 Eftirfarandi flokkar eru í boði:

 Barnaflokkur (10-13 ára)
Unglingaflokkur (14-17 ára)
Ungmennaflokkur (18-21 árs)

 Í hverjum flokki er hámarksfjöldi skráninga 30 og hverjum knapa er einungis heimilt að skrá einn hest til keppni.Riðið verður hefðbundið fimmgangsprógramm F2 í barna-, unglinga- og ungmennaflokki.

 Mótið er opið og fer skráning fram í gengum Sportfeng og skráningargjaldið er kr. 2.000.

 Skráningin er opin til miðnættis fimmtudaginn 16. mars! Mikilvægt er að senda kvittun fyrir greiðslu á netfangið skraning@sprettarar.is

Lágmark fimm skráningar í flokk, að öðrum kosti verða flokkar sameinaðir.

 Frábært tækifæri fyrir unga knapa til að spreyta sig á fimmgangskeppni. Mjög vegleg verðlaun í boði í öllum flokkum.

 Vonumst til að sjá sem flesta í Samskipahöllinni á sunnudaginn með leikgleðina í farteskinu! Allir velkomnir!

 Dagskrá og ráslistar munu birtast á netinu er nær dregur helgi.