þriðjudagur, 25. september 2018
 
TölublöðVenjuleg útgáfa

Eldsvoði í spónaverksmiðjunni í Hveragerði

3. mars 2010 kl. 08:44

Eldsvoði í spónaverksmiðjunni í Hveragerði

mbl.is greinir frá: Betur fór en á horfðist þegar eldur kom upp í spónaframleiðslu í Hveragerði í nótt. En miklar reyk- og sótskemmdir urðu á þessu 1.000 fm iðnaðarhúsnæði sem var fullt af reyk er lögregla kom þar að.

Eldsins varð vart rétt fyrir klukkan eitt í nótt og var það starfsmaður Securitas, sem var á eftirlitsferð um aðrar byggingar, sem sá reyk koma frá húsinu. Hann hafði samband við´lögreglu sem kallaði til slökkvilið Hveragerðis er hún sá að húsið var fullt af reyk.

Vel gekk að ráða niðurlögum eldsins í þessu 1.000 fm iðnaðarhúsnæði, sem hýsir spónaframleiðslu og var því nægur eldmatur í húsinu. Miklar reyk- og sótskemmdir urðu þó á byggingunni, auk þess sem kominn var talsverður hiti í veggi. Litlar skemmdir urðu hins vegar á vélabúnaði.

Upptök eldsins liggja ekki fyrir, en að sögn lögreglunnar á Selfossi, er ekki talið útilokað að kviknað hafi í út frá rafmagni.
 

www.mbl.is