laugardagur, 27. maí 2017
 
TölublöðVenjuleg útgáfa

Dymbilvikusýning Spretts

10. apríl 2017 kl. 18:40

Skeiðkeppni í gegnum höllina ásamt skemmtilegum atriðum

Nú styttist óðum í hina árlegu Dymbilvikusýningu Spretts sem fram fer í Samskipahöllinni miðvikudaginn 12. apríl næstkomandi, kvöldið fyrir skírdag að venju. Ræktunarhross skipa stóran sess á sýningunni líkt og undanfarin ár, en boðið verður upp á sýningar ræktunarbúa, úrvals hryssur og stóðhesta, ræktunarkeppni hestamannafélaganna á höfuðborgarsvæðinu, íþróttamaður Spretts verður heiðraður, ungir Sprettarar koma fram og keppt verður í skeiði í gegnum höllina. Töltgrúppan mætir með nýtt spennandi atriði, þær voru 62 í fyrra, hvað verða þær margar í ár? 

Undirbúningur er í fullum gangi þessa dagana og enn geta ræktendur, hesteigendur og knapar haft samband vilji þeira leggja sýningunni lið með skemmtilegum og flottum atriðum. 
Hægt er að hafa samband í eftirfarandi símanúmer: 896 9740 Rúnar eða 893 3600 Maggi

Gríðarlegur áhugi er fyrir skeiðkeppni í gegnum höllina, heyrst hefur að menn ætli sér að setja nýjan mettíma í gegnum höllina. Hvetjum alla skeiðknapa að boða komu sína með símtali eða sms-i í síma 896 9740 Rúnar svo hægt kynna knapa og hesta til leiks.