laugardagur, 20. apríl 2019
 
TölublöðVenjuleg útgáfa

Blesastaðir 1a Ræktunarbú LM2012

30. júní 2012 kl. 22:38

Blesastaðir 1a er Ræktunarbú LM2012. Þórður, Sigursteinn, Flosi og Jóhann fóru úr að ofan og brekkan kunni að meta það.

Fjögur kyntröll fóru úr að ofan og trylltu brekkuna

Blesastaðir 1a eru Ræktunarbú LM2012. Þetta er í annað sinn sem búið hlýtur þennan titil, en í á LM2008 báru þau einnig sigur úr býtum í áhorfendakosningu.

Reyndar bættist klappmælir við í þetta skiptið og fór ekkert á milli mála þegar áhorfendur völdu á milli Blesastaða 1a og Álfhóla, en mjótt var á munum í símakosningunni og því tekið á það ráð að láta búin heyja einvígi.

Allt ætlaði af göflunum að ganga í brekkunni þegar beðið var um klapp fyrir Blestastaði. Án efa hefur það ekki skemmt fyrir að fjórir knapanna, sem eru fræg kyntröll, voru berir að ofan. Allt karlknapar. Fjórir kvenknapar voru í hópnum og létu þær sér nægja að horfa á kollega sína. Daníel Jónsson var níundi knapinn og var hann alklæddur.