miðvikudagur, 26. september 2018
 
TölublöðVenjuleg útgáfa

Bikarmót hestamannafélaganna

9. apríl 2010 kl. 09:47

Bikarmót hestamannafélaganna

Mögnuð stemmning var á síðasta Bikarmóti hestamannafélagana í Reiðhöllinni í Víðidal en síðasta keppnisgreinin var tölt. Töluverð spenna var í stigakeppninni, Sörlamenn efstir en Fáksmenn nörtuðu í hælana á þeim í stigasöfnunni  svo það var alveg ljóst að þeir sem ætluðu að landa titlinum þyrftu að standa sig vel.

Einnig var spenna í stuðningsmannaliðakeppninni þar sem Mánamenn höfðu forystu en Sörlamenn gátu náð sigrinum af þeim með góðri frammistöðu.

Áður en úrslitin hófust var keppt í stjórnartölti þar sem einn stjórnarmaður úr hverju félagi kom sem fulltrúi þess.  Meðalaldurinn var eitthvað yfir fimmtugt og kílófjöldin líka, en mikill keppnisandi var í hópnum og þeir vel ríðandi, enda höfðu sumir verið hjá leiðbeinendum undanfarna vikur til að styrkja sig fyrir átökin. Leikar fóru svo að stjórnarmaðurinn í Andvara, Gunnar Már, hafði sigur og alveg ljóst eftir þessi úrslit að það verða ekki allir öruggir með sætið sitt í stjórninni á næstu aðalfundum.

Stjórnartölt
1.    Gunnar Már Þórðarson á Atla frá Meðalfelli - Andvara
2.    Gunnar Eyjólfsson á Drangey frá Miðhjáleigu – Mána
3.    Sigurður Emil Ævarsson á Óm frá Hrólfsstöðum – Sörli
4.    Guðjón Magnússon á Lunda frá Vakursstöðum – Herði
5.    Árni Guðmundsson á Öðlingi frá Langholti – Fáki
6.    Hermann Vilmundarson á Brieti frá Skeiðháholti – Gusti

Í töltinu voru hörku hestar í úrslitum en Snorri Dal í Sörla var annar eftir forkeppnina en reið ekki úrslitin vegna anna.
Úrslitin úr töltinu:
1.    Berglind Ragnarsdóttir á Frakki frá Laugarvöllum       7.2      Fákur
2.    Kjartan Guðbrandsson á Sýni frá Efri-Hömrum         6,7      Fákur (jafnir/hlutkesti réð sæti)
3.    Ásmundur Ernir Snorrason á Rey frá Melabergi         6,7    Fákur
4.    Birgitta Dröfn Kristinsdóttir á Veru frá Laugabakka    6,6    Fákur
5.    Anna Björk Ólafsdóttir á Tryggva Geir frá Steinnesi    6,4    Sörli   

Mögnuð frammistaða hjá Fáksknöpunum í töltinu tryggði þeim Bikarmeistaratiltilinn þetta ári.

Úrslit úr liðakeppninni og einvaldar félaganna:
1.    Fákur     56,5 stig – Kristinn Bjarni Þorvaldsson
2.    Sörli     54,5 stig -  Magnús Sigurjónsson
3.    Hörður     39 stig - Reynir Örn Pálmason
4.    Máni     34,5 stig – Sveinbjörn Bragason
5.    Gustur     26 stig – Rikharður Flemming Jensen
6.    Andvari 20 stig – Ævar Örn Guðjónsson
7.    Sóti 2 stig – Snorri Finnlaugsson

Það er greinilegt að Mánamenn eiga sætustu og hressustu stuðningsmennina og unnu þau stuðningsmannakeppnina með glæsibrag.

Úrslit úr stuðningsmannaliðakeppninni:
1.    Máni         10 stig
2.    Sörli         6 stig
3.    Hörður         5 stig
4.    Andvari        2 stig
5.    Fákur        1 stig