laugardagur, 22. september 2018
 
TölublöðVenjuleg útgáfa

Áhugakönnun á hesthúslóðum á Kjóavöllum

10. nóvember 2009 kl. 16:03

Áhugakönnun á hesthúslóðum á Kjóavöllum

Garðabær lýsir eftir aðilum sem áhuga hafa á að sækja um lóðir undir hesthús á hesthúsasvæði Garðabæjar á Kjóavöllum.
Á síðasta ári var staðfest nýtt deiliskipulag sameiginlegrar hesthúsabyggðar Garðabæjar og Kópavogs að Kjóavöllum. Deiliskipulagið gerir ráð fyrir 85 nýjum hesthúsalóðum í Garðabæ en fyrir eru 23 hesthús í Andvarahverfi. Reiknað er með að svæðið byggist upp í áföngum á næstu áratugum. Það ræðst af áhuga hvort um er að ræða úthlutanir lóða við götur í núverandi byggð eða nýjar götur í svokölluðu Rjúpnahæðarhverfi sem er á milli Andvarahverfis og Heimsendahverfis í Kópavogi. Deiliskipulagið gerir ráð fyrir 15 húsum til viðbótar í Andvarahverfi og 70 húsum í Rjúpnahæðarhverfi.

Lágmarksgatnagerðargjöld ákvarðast af stærð byggingarreita húsa á eftirfarandi hátt:
 

Lágmarksgatnagerðargjald af lóð fyrir 180 fm hús kr. 2.669.760
Lágmarksgatnagerðargjald af lóð fyrir 240 fm hús kr. 3.559.680
Lágmarksgatnagerðargjald af lóð fyrir 300 fm hús kr. 4.449.600
Lágmarksgatnagerðargjald af lóð fyrir 360 fm hús kr. 5.339.520

                            
Gera má ráð fyrir að byggingarrréttargjald verði sem nemur einu gatnagerðargjaldi.

 
Ef niðurstaða áhugakönnunar verður jákvæð verður lóðum úthlutað til umsækjenda og gerður bindandi úthlutunarsamningur. Húsbyggjendum verður gert að ljúka við hús sín innan tilskilins tíma.
 

Áhugasamir skulu kynna sér deiliskipulag hesthúsabyggðar að Kjóavöllum og samþykkt nr. 958 frá 1. október 2008 um hesthúsahverfi á Kjóavöllum í landi Kópavogs og Garðabæjar.
 

Gögn eru aðgengileg hér á vef Garðabæjar:
 

Deiliskipulagsuppdráttur
 

Skýringarmynd

 
Greinargerð með deiliskipulagi

 
Þeir sem áhuga hafa á að sækja um lóðir skulu fylla út eyðublað á vef Garðabæjar og senda til Garðabæjar fyrir 23. nóvember 2009.

Bæjarstjórinn í Garðabæ



Mest lesið
Í DAG VIKAN
 

Góð upplifun forsetans

14. ágúst 15:00