sunnudagur, 23. september 2018
 
TölublöðVenjuleg útgáfa

Aðalfundur Mána

1. desember 2009 kl. 11:52

Aðalfundur Mána

Aðalfundur Hestamannafélagsins Mána var haldinn þann 26 nóvember síðastliðinn og var ánægjulegt að sjá hversu margir voru mættir á fundinn. Formaður Guðbergur Reynisson setti fundinn og bauð fram Vilberg Skúlason sem fundarstjóra og Þóru Brynjarsdóttur sem fundarritara og voru þau samþykkt. Formaður las því næst upp skýrslu stjórnar og nefnda.

Eftir að fundargestir höfðu hlýtt á skýrslu lesturinn var komið að kosningum í stjórn og nefndir

Guðbergur afhendir Snorra félagið
Guðbergur Reynisson gaf ekki kost á sér í kjöri formanns og var því óskað eftir framboðum einn gaf kost á sér og var það Snorri Ólason og var hann kosinn einróma , en Snorri hefur verið formaður mótanefndar síðustu ár .

Gunnhildur Vilbergsdóttir vildi fá að losna vegna anna í öðru og gaf Guðbergur Reynisson fráfarandi formaður kost á sér í hennar sæti til eins árs þar sem hún átti eitt ár eftir af kjörtímabili sínu.  Næstir voru kjörnir Bjarni Stefánsson og Björn V Ellertsson í stjórn til 2 ára og Rúnar Bjarnason og Böðvar Snorrason í varastjórn til eins árs

 Björn Viðar, Bjarni Snorri Gunnar og Guðbergur
            Stjórn Mána skipa því

            Formaður : Snorri Ólason

            Aðalstjórn : Gunnar Eyjólfsson, Guðbergur Reynisson, Björn V Ellertsson og Bjarni Stefánsson

            Varastjórn : Böðvar Snorrason og Rúnar Bjarnason

Endurskoðendur reikninga verða kosnir á framhaldsaðalfundi sem haldinn verður eftir áramót en þar verður reikningum félagsins gert skil.

Kosið var einnig í nefndir félagsins en hægt er að skoða hvernig nefndir eru mannaðar hér

Stjórn Mána kynnti breytingar á lögum félagsins og voru þær allar samþykktar af fundinum og sjást hér ný lög hmf Mána , stjórn félagsins vildi einnig að félagsgjöld héldust óbreytt frá árinu áður og samþykkti fundurinn það.

Gunnhildur fráfarandi gjaldkeri las upp nýja félaga til samþykktar en 20 nýjir félagar skráðu sig í félagið á árinu en 33 sögðu sig úr félaginu og telur félagatal hmf Mána nú 501 félaga.

Nú var komið kaffihlé og svo kom að öðrum málum og var þar fyrst val á íþróttamanni Mána 2010 en nýjar reglur við val á íþróttamanni Mána hafa verið teknar í notkun og sést hér hvernig stigagjöfin er reiknuð út.

Afreksknapar Mána
4 fengu viðurkenningu fyrir góðan árangur á árinu en það voru Camilla Sigurðardóttir, Jóhanna Margrét Snorradóttir, Alexander Þórisson og Hafdís Gunnarsdóttir en íþróttamaður Mána var kosin Ólöf Rún Guðmundsdóttir en  Ólöf  náði frábærum árangri á þessu ári m.a má segja að hún hafi verið nánast ósigrandi í 5 gangi unglinga. Hún varð í 2 sæti unglingaflokk á Firmakeppninni . 1 sæti fimmgang á TM íþróttamóti Mána  2 sæti T2 opnum flokki á TM íþróttamóti Mána. 1 sæti fimmgang unglinga á Íþróttamóti Geysis  3 sæti T2 opnum flokki sama mót. En það sem stendur upp úr er magnaður sigur hennar á Íslandsmóti yngri flokka þar sem hún vann fimmganginn eftir mikla baráttu. Ólöf er frábær fulltrúi Mána hvar sem hún kemur og hefur með mikilli þrautseigju og elju komist í fremstu röð yngri knapa á Íslandi.

Gunnhildur Vilbergsdóttir kynnti síðan fundinum að kynningarfundur yrði fljótlega vegna  á námskeiðum í knapamerkjakerfinu og óskaði þess að sem flestri sæju sér fært að mæta og kynna sér það.

Ýmsar umræður sköpuðust  um ýmis mál sem brenna á félögum í hestamannafélaginu en fundi var svo slitið rétt fyrir ellefu og fór ný stjórn með mörg verðug verkefni fyrir næsta ár.



Mest lesið
Í DAG VIKAN
 

Góð upplifun forsetans

14. ágúst 15:00